Guðný

2004-10-10T23:24:00.000Z

Ég ætla að breyta! Ég er komin með nýja síðu, svona týpíska!
Slóðin er blog.central.is/gudnyey

Ok ;)

2004-10-10T20:24:00.000Z

dísús kræst!!

Hvað er að fólki?!!
Það smallaði einhver hálfviti afturrúðuna í bílnum mínum í nótt. Allt í glerbrotum og rennandi blautt djöf..helvf..andsk.....
Er núna með svartan ruslapoka í staðinn, og ég sem hélt að útlitið á gamla grána gæti ekki versnað en hann er fyrir með beyglaða hurð og brotið framljós!!
Svo eru svona trilljón hlutir sem eru ónýtir sem ekki sjást að utan....guð ég verða að fá mér “nýjan” bíl...hvernig sem ég á nú að fara að því að fjármagna það:/

Mér hefndist sem sagt illilega fyrir að standa ekki við þau stóru orð að vera þæg stelpa um helgina og sleppa því að djamma.
Þetta eru bara orðin tóm hjá mér, “ég ætla ekki að djamma um næstu helgi”, hefur enga merkingu lengur! Þetta er orðið bara eins og að segja “jæja núna ætla ég að fara að borða bara hollt og hreyfa mig” RIGHT!!

Það leit reyndar út fyrir lengst af að ég ætlaði að standa við stóru orðin, var búin að beila á afmæli og allt en svo kom frændi Andra til að spila einhvern tölvuleik og samþykkti að líta eftir Lilju ,sem var sofandi. Ég var ekki lengi að bruna til Helenu á Snorrabrautina til að væta kverkarnar. Svo var haldið að Celtic þar sem Byko guttar voru með bjórkvöld og svo var auðvitað farið yfir götuna á Hverfis:)
Þetta var sem sagt mjög gaman og eini svarti bletturinn á helginni er þetta tilgangslausa skemmdarverk.

En allaveganna, ný vinnuvika á leiðinni sem verður vonandi jafn fljót að líða og þær síðustu:)

2004-10-04T19:57:00.001Z

Jæja, ég hef nú ekki mikið að segja nema að ég er að deyja úr spenningi og stressi!
Ég er að sækja um tvær 3ja herb. íbúðir í Hafnarfirði. Báðar eru um 90 fermetrar og önnur með 2 svalir og hin með verönd:) Ohh það væri æði að fá aðra hvora og þurfa ekki lengur að sofa í stofunni. Svo er alltaf plús að vera nálægt mömmu:)
Ég fæ að vita það næsta miðvikudag svo fingers crossed everyone !!

Damn! Mér sýnist það þurfa að bíða betri tíma að ég fari að æfa aftur. Það gengur ekkert að fá styttri vinnutíma og eins og hann er núna þá er ekki séns að ég geti það :(
Ég sem var farin að hlakka pínu til að engjast um í sýru og hlaupasting!!

Well þá er bara að reyna að njóta þess að vera mjúk í eitt ár i viðbót því það er ekki séns að ég nenni að gera eitthvað sjálf! Ekki mikill sjálfsagi á mínum bæ.

Og svona í restina þá er ennþá planið að vera bara þæg stelpa um helgina..... svona allavegana í djammskilningi híhí

2004-10-04T19:57:00.000Z

Jæja þá er enn og aftur kominn mánudagur. Ótrúlegt hvað tíminn líður hratt, maður nær ekki einu sinni að láta sér leiðast á milli helga!

Ég stóð auðvitað ekki við loforð mitt um að vera róleg um helgina, ætlaði bara að hafa það kósý heima og taka mig á í videoglápi en það fór aðeins öðruvísi..........

Fór sem sagt heim til uppáhalds tvíburanna minna, Andra og Freysa, til að sötra bjór sem er svo sem ekki frásögu færandi nema að við fórum svo í eitthvað bjórspil. Sötrið endaði því í gúlpi og þambi og sér á sumum eftir furðulegar þrautir hahaha ( ekki á mér samt ;)
Niðri í bæ slógust svo fleiri snillingar í hópinn og það var djammað vel fram á nótt og ég skemmti mér konunglega:)

En allaveganna, að öðru, nú er komið í sölu á vínbúðunum áfengislaust vín!! Hvað er það eiginlega? Til hvers? hver er markhópurinn? Við erum ekki alveg að skilja þetta í vinnunni. Ok ég skil áfengislaust freyðivín, það kemur sér kannki vel í brúðkaupum og svona þar sem allir vilja skála. En áfengislaust rauð- og hvítvín skil ég ekki. Er það fyrir fólk sem vill bragðið en ekki áhrifin? Getur ekki verið því þau bragðast víst flest eins og safinn úr sveittum ullarsokkum!! Eða er þetta fyrir fólk sem vill bara vera eins og hinir og hafa e-ð í glasinu sínu? Þá vildi ég nú frekar hafa e-ð drekkandi.
Eníhú, ég væri alveg til í að fá einhver comment um jákvæðu hliðarnar á þessu svo ég geti kannski selt eina flösku eða tvær!!

Og að enn fáranlegri hlut, það er víst einhver gæji á Selfossi sem er að ríða hrossum...ekki í þessum venjulega skilningi samt!!!! Hvurslags viðbjóður er það ííííúúúú

En til að enda þetta á skemmtilegri nótum þá er hún Eyrún vinkona orðin nýjasti meðlimur Kastljóss-áhafnarinnar. Jább hún er nýjasta ríkissjónvarpsskutlan;) Hlakka til að lesa um hana í Séð og heyrt á djamminu með þotuliðinu híhí
Til hamingju stelpa, þú átt eftir að taka þig vel út á skjánum:)

2004-09-27T22:30:00.000Z

Veiii 2 gleðifréttir:)
Fyrst þá var ég að fá video-upptöku af því þegar ég stökk fallhlífarstökk úti í Noregi í ágúst. Ótrúlega gaman að eiga þetta og nú hef ég sönnun fyrir því hversu hugrökk ég var;)
Svo var ég að fá loforð um að fá að fljóta með á handboltadjamm, maður finnur ekki skemmtilegri karaktera en þar, þvílíkir snillingar:)

.....vá ég datt alveg út, ég var farin að hugsa um skútu!! hahahahaha snildarauglýsing:D

nóg í bili, góða nótt.

2004-09-27T17:03:00.000Z

Úff þá er helgin búin.
Lét það reyndar vera núna að djamma á föstudaginn, en var samt klukkutíma of sein í vinnunna á laugardaginn :/ Málið er að þegar það er rigning á ská þá fer bíllinn ekki í gang!! Þá blotnar eitthvað undir húddinu og ég verð að bíða þangað til það styttir upp :S

Laugardagskvöldið var samt fínt. Ég hélt smá vinnupartý og það var bara stuð. Einhver kom með singstar og mikil hljóðmengun framleidd!! Enda var kvartað undan hávaða....alltaf gaman að halda partý í blokk :/

Núna er ég komin í kærkomið 2ja helga djammfrí því Atli, pabbi Lilju, er að fara til útlanda að keppa í handbolta og þá hliðrar maður aðeins til fyrir strákinn....
Reyndar á víst að vera eitthvað árlegt vinnupartý hjá Ottó yfirmanni þarnæstu helgi, með einhverju þema og læti! En ég hef heyrt að hann sé ansi duglegur að fresta því þannig að ég er ekkert að stressa mig, annars er það bara elsku mamma!! (að passa;)

Ég var síðan að fá þær sorgarfréttir að Hafdís vinkona ætli að taka sér bloggpásu....þar fer mitt helsta afþreyingarefni:S
Vona að þú snúir aftur fljótlega, þú átt þér fáranlega stóran aðdáendahóp:)

2004-09-24T01:15:00.000Z

Hahahahaha!
Ég var að koma af Dávaldinum á Broadway. Vá þetta var ótrúlegt. Það sem hann gat látið fólk gera, pissaði næstum á mig af hlátri:D Fólk lét eins og hundar, dansaði ballett, talaði kínversku og fékk raðfullnægingar!!

En að öðru, helda að það sé deginum ljósara að götur borgarinnar væru öruggari ef við systkinin værum ekki á ferð!!
Ef við erum ekki að klessa á aðra bíla þá klessum við bara á sjoppur!! Já það var hann Viggó littli bróðir sem keyrði á Staldrið hahahahahaha..... æ það má ekki hlægja að þessu.....hahahaha!!

Guð klukkan er orðin svo margt, og ég að fara að vinna á morgun, góða nótt!

2004-09-21T19:04:00.000Z

Jæja þá er þetta komið í lag. Ég var búin að skrifa þrjá pósta en einhverja hluta vegna fór allt í rugl þegar ég vistaði þá.
En allavegana, hann Andri minn lagaði það fyrir mig og gerði þetta svona fínt:) "Við" eigum örugglega eftir að dúlla e-ð meira með þessa síðu og bæta meira inn á hana, en þetta er fínt í bili.

Það var svona planið að fara að æfa aftur í vetur, svona allavegana eitthvað smá. Ég veit reyndar ekki alveg hvernig ég á að fara að því út af löngum vinnutíma og pössun og svona fyrir Lilju en það kemur allt vonandi fljótlega í ljós.

Það eru alveg fullt af þáttum núna á skjá einum sem mér finnst skemmtilegir. Vá hvað ég færi létt með að gera ekki neitt allan daginn nema borða, sofa og horfa á sjónvarpið...

ARG!! verða að hætta, Lilja var að hvolfa úr dótakassanum sínum ofan í fullt baðkarið!!!

2004-09-21T18:57:00.000Z

Setning dagsins: það besta við mánudaga er hvað það er langt í þann næsta:)

Ótrúlegt hvað maður lifir frá helgi til helgi. Ég er búin að vera á einhverju þvílíku djammtímibili núna upp á síðkastið, reyndar byrjaði það fyrir jól! Naut frelsisins í botn eftir langt samband....
Ég er ekkert alveg að sjá fyrir endann á þessu sukki strax og er strax farin að hlakka til næstu helgar;)
Þá ætla ég að halda smá vinnu-get-to-gether heima og það verður örugglega stuð.. og þröngt! En þröngt meiga sáttir sitja, vonandi erum við bara það sátt að þola c.a. 5 fermetra stofu!!!

Hey vá, þetta er í fyrsta skipti á ævini sem ég held partý... án gríns.....guð!

Það er fullt af hlutum sem ég hef aldrei gert eða lent í, þ.e. svona “venjulegum” hlutum
T.d. - halda partý
- fara á tónleika...EKKI GRÍN!
- reykt eða neytt fíkniefna
- fallið á lokaprófi, ath loka..
- verið með stelpu, kossar ekki taldir með!!
- sungið í karioki
- lent í slag
- saumað eitthvað á mig
- beinbrotnað 7 9 13... og örugglega fullt meira sem ég man ekki akkúrat núna

Sumt af þessu er á TO DO listanum mínum, en ég segi ekki hvað;)